1. വിശുദ്ധ കുർബാന - ഒരുക്ക ശുശ്രൂഷ Quiz Questions - Based on Catechism Text.

 

10.5 വിശുദ്ധ കുർബാന - ഒരുക്ക ശുശ്രൂഷ

1.     കത്തോലിക്കാസഭയിൽ 24 വ്യത്യസ്ത വ്യക്തിഗത സഭകളിൽ ഓരോ സഭയ്ക്കും അതിന്റേതായ ഏത് ക്രമമാണ് ഉള്ളത്? ആരാധനക്രമം

2.     ഏത് ആരാധനക്രമമാണ് മലങ്കര കത്തോലിക്കാ സഭ ഉപയോഗിക്കുന്നത് അന്തൃോക്യൻ സുറിയാനി

3.     വിശുദ്ധ കുർബാനയുടെ ക്രമം ക്രോഡീകരിച്ച ജറുസലേം സഭയുടെ പ്രഥമാധ്യക്ഷനും നമ്മുടെ കർത്താവിന്റെ സഹോദരനും അപ്പോസ്തോലനും ആര്? മാർ യാക്കോബ് ശ്ലീഹാ,

4.     വിശുദ്ധ കുർബാനയുടെ ക്രമം ഏതുകാലത്ത് ക്രോഡീകരിച്ചു എന്നാണ് പിതാക്കന്മാർ പഠിപ്പിക്കുന്നത്? ആദ്യനൂറ്റാണ്ടിൽ

5.     എവിടെ രൂപം പ്രാപിച്ച 'മാർ യാക്കോബിന്റെ തക്സായാണ്' (ക്രമം) പിൽക്കാലത്ത് അന്തൃോക്യൻ സഭ സ്വീകരിക്കുകയും തങ്ങളുടെ ആരാധനക്രമമായി വളർത്തിയെടുക്കുകയും ചെയ്തത്? ജറുസലേമിൽ

6.     മാർ യാക്കോബിൻ്റെ കുർബാനക്രമത്തെ അടിസ്ഥാനമാക്കി എത്ര വിവിധങ്ങളായ ക്രമങ്ങൾ അന്തൃോക്യൻ സുറിയാനി പാരമ്പര്യത്തിലുണ്ട്? എഴുപതിൽപ്പരം

7.     വിശുദ്ധ കുർബാന ദൈവത്തിൻ്റെ ഏത് ചരിത്രത്തോട് അഭേദ്യം ബന്ധപ്പെട്ടിരിക്കുന്നു? രക്ഷാകര ചരിത്രം

8.     വിശുദ്ധ കുർബാന മുഴുവനും ഏതിൻറെ അനുസ്‌മരണവും ആഘോഷവുമാണ്? വെളിപാടിൻ്റെ, രഹസ്യങ്ങളുടെ അഥവാ രക്ഷാകര ചരിത്രത്തിൻ്റെ

9.     പ്രപഞ്ചസൃഷ്ട‌ി മുതൽ യേശു ക്രിസ്തുവിന്റെ രണ്ടാമത്തെ ആഗമനം വരെയുള്ള രക്ഷാകര സംഭവങ്ങൾ എല്ലാംതന്നെ എവിടെ അനുസ്‌മരിക്കപ്പെടുന്നു? വിശുദ്ധ കുർബാനയിൽ

10.    പഴയനിയമ സംഭവങ്ങൾ, രക്ഷകന്റെ ജനനം, സ്നാനം, പരസ്യജീവിതം, പീഡാനുഭവം, കുരിശുമരണം, കബറടക്കം, ഉത്ഥാനം, സ്വർഗാരോഹണം, രണ്ടാമത്തെ ആഗമനം ഇവയെല്ലാം എവിടെ ആഘോഷിക്കപ്പെടുന്നു? വിശുദ്ധ കുർബാനയിൽ

11.    കർത്താവിൻറെ രക്ഷാക ചരിത്രം അനുസ്മരിക്കുന്നതിനെ കുറിച്ചുള്ള വിശുദ്ധ കുർബാനയുടെ ആരംഭത്തിലെ ഗാനം ഏത്? “നാഥാ, നിൻ ജനനം, സ്നാനം, പീഡ, ക്രൂശേറ്റം മൃതി, ഉത്ഥാനം, സ്വർഗാരോഹണമെന്നിവയേയും ആദിപിതാക്കളെയും ഞങ്ങൾ ഓർത്തിടുന്നീയാഗത്തിൽ".

12.    സുറിയാനി പിതാക്കന്മാർ വിശുദ്ധ കുർബാനയെ തിരിച്ചിരിക്കുന്ന നാലു ഭാഗങ്ങൾ ഏവ? ഒരുക്ക ശുശ്രൂഷ, വചന ശുശ്രൂഷ, ബലി അർപ്പണം, ബലി വിരുന്ന്

13.    മലങ്കര കുർബാനയുടെ ഒന്നാം ഭാഗമായ ഒരുക്ക ശുശ്രൂഷയുടെ സുറിയാനി പേര് എന്താണ്? 'തൂയോബോ'

14.    വിശുദ്ധ കുർബാനയുടെ ആരംഭം മുതൽ പരസ്യ ശുശ്രൂഷയുടെ ആരംഭം വരെയുള്ള ഭാഗത്തിന് എന്താണ് പേര്? ഒരുക്ക ശുശ്രൂഷ

15.    മലങ്കരസഭയിൽ ഏത് പ്രാർത്ഥനയോടു കൂടിയാണ് വിശുദ്ധ കുർബാന ആരംഭിക്കുന്നത്? യാമ നമസ്കാരം

16.    പ്രഭാത നമസ്കാരം ആരംഭിക്കുന്നതിനു മുമ്പ് ശുശ്രൂഷകൻ മദ്ബഹായ്ക്കുള്ളിൽ പ്രവേശിച്ച് ത്രോണോസിൻ്റെ ഏതു ഭാഗത്തെ മെഴുകുതിരി കത്തിക്കുന്നു? മധ്യഭാഗത്തെ കുരിശിനു മുമ്പിലുള്ള തിരി

17.    പ്രഭാത നമസ്കാരം ആരംഭിക്കുന്നതിനു മുമ്പ് ശുശ്രൂഷകൻ മദ്ബഹായ്ക്കുള്ളിൽ മെഴുകുതിരി കത്തിക്കുന്ന കർമത്തിലൂടെ അനുസ്‌മരിക്കുന്ന ദൈവവചനം ഏതാണ്? "വെളിച്ചം ഉണ്ടാകട്ടെ" (ഉത്‌പത്തി 1:3) എന്നു പറഞ്ഞ് ദൈവം പ്രപഞ്ച സൃഷ്‌ടി ആരംഭിച്ചതിനെ

18.    മദ്ബഹാ ഏതിന്റെ പ്രതീകമാണ്? സ്വർഗത്തിൻ്റെ

19.    ഹൈക്കലാ ഏതിന്റെ പ്രതീകമാണ്? ഭൂമിയുടെ

20.    സ്വർഗവും ഭൂമിയും തമ്മിലുള്ള ബന്ധത്തെ സൂചിപ്പിക്കുന്ന പ്രതീകമായി ഉപയോഗിക്കുന്നു തുണി ഏതാണ്? മറ.

21.    പ്രപഞ്ച സൃഷ്ടിയിലൂടെയുള്ള ദൈവത്തിൻ്റെ സ്വയം വെളിപ്പെടുത്തലിനെയും സ്വർഗം തുറക്കപ്പെടുന്നതിനെയും സൂചിപ്പിക്കുന്ന കർമ്മം ഏതാണ്? യാമനമസ്കാരത്തിൻ്റെ ആരംഭത്തിൽ തിരി കത്തിച്ച് മറ വലിക്കുന്നത്

22.    സൃഷ്‌ടികർമവും തുടർന്നുള്ള ദൈവപരിപാലനയും ഓർത്തുകൊണ്ട് വിശ്വാസികൾ ഏത് പ്രാർത്ഥന വഴിയാണ് ദൈവത്തോട് സംഭാഷണം ചെയ്യുന്നത്? യാമനമസ്‌കാരം

23.    പ്രഭാതനമസ്കാരത്തിൻ്റെ അവസരത്തിൽ വൈദികൻ ധരിക്കുന്ന വസ്ത്രം ഏതാണ്?  കറുത്ത പുറങ്കുപ്പായം

24.    മനുഷ്യൻ്റെ പാപാവസ്ഥയും അനുതാപത്തിലേക്ക് വിരൽ ചൂണ്ടുന്നതിനെയും സൂചിപ്പിക്കുന്ന വൈദികന്റെ പുറം കുപ്പായം ഏതാണ്? കറുത്ത പുറങ്കുപ്പായം

25.    കാർമികൻ ശുശ്രൂഷയ്ക്കായി ഉപയോഗിക്കുന്ന ഔദ്യോഗിക വസ്ത്രം ഏതാണ്? കറുത്ത കുപ്പായം.

26.    പ്രഭാതപ്രാർത്ഥനയ്ക്കുശേഷം മറയിടുന്നതിന് മുമ്പ് പുരോഹിതൻ ചെയ്യുന്നത് എന്താണ്? മദ്ബഹായിൽ പ്രവേശിച്ച് വിശ്വാസികളുടെ സമൂഹത്തോട് പ്രാർത്ഥന യാചിക്കുന്നു

27.    ഇസ്രായേൽ മക്കൾക്ക് ന്യായപ്രമാണങ്ങൾ വാങ്ങുവാനായി, മഹത്ത്വപൂർണനായ യഹോവയുടെ സാന്നിധ്യംകൊണ്ട് നിറഞ്ഞിരിക്കുന്ന സീനായ് മലയിലേക്ക്, മോശ കരേറിയതിനെ സൂചിപ്പിക്കുന്നത് പുരോഹിതന്റെ ഏതു പ്രവർത്തിയാണ്?  പുരോഹിതന്റെ മദ്ബഹാ പ്രവേശനം

28.    ആചാര്യനായ സ്‌കറിയാ മഹാവിശുദ്ധ സ്ഥലത്ത് പ്രവേശിച്ചതിനെ പുരോഹിതന്റെ ഏതു പ്രവർത്തിയാണ് സൂചിപ്പിക്കുന്നത്?  പുരോഹിതന്റെ മദ്ബഹാ പ്രവേശനം

29.    പുരോഹിതൻ മദ്ബഹായിൽ പ്രവേശിക്കുമ്പോൾ മറയിടുന്നതിലൂടെ ആദിമാതാപിതാക്കളുടെ പാപവും തുടർന്നുള്ള ഏത് കാലഘട്ടവും സൂചിപ്പിക്കുന്നു? പഴയനിയമ

30.    ഏത് നിമിത്തം സ്വർഗവും ഭൂമിയും തമ്മിലുള്ള ബന്ധം നഷ്ടപ്പെട്ടു? ആദ്യ മനുഷ്യന്റെ പാപം നിമിത്തം

31.    ആദ്യ മനുഷ്യന്റെ പാപം നിമിത്തം ആരൊക്കെ തമ്മിലുള്ള ബന്ധങ്ങൾ നഷ്ടപ്പെടുന്നു?  ദൈവവും മനുഷ്യനും തമ്മിലും, മാലാഖമാരും മനുഷ്യനും തമ്മിലുമുള്ള ബന്ധം

32.    രഹസ്യമായ ഒരുക്ക ശുശ്രൂഷ ഏത് കാലഘട്ടത്തെ സൂചിപ്പിക്കുന്നു? രക്ഷകനായ യേശുവിനെ പ്രതീക്ഷിച്ചു കഴിഞ്ഞിരുന്ന പഴയനിയമ കാലഘട്ടത്തെ

33.    അനാദിയിലേ പിതാവിനെയും അദൃശ്യനായിരിക്കുന്ന പുത്രനെയും അർത്ഥമാക്കുന്ന വിശുദ്ധ കുർബാനയുടെ ഭാഗം ഏതാണ്? ഒരുക്ക ശുശ്രൂഷ

34.    പുരോഹിതൻ മദ്ബഹായിൽ പ്രവേശിച്ച് പ്രാർത്ഥന യാചിച്ചതിനുശേഷം ത്രോണോസിൻറെ മുമ്പിൽ വന്ദിച്ച് എവിടെ മുത്തുന്നു? ത്രോണോസിൻ്റെ കോണുകളിൽ

35.    ഒരുക്ക ശുശ്രൂഷയിൽ ഉള്ള രണ്ട് ക്രമങ്ങൾ ഏതാണ്? മെൽക്കിസെദെക്കിന്റെയും അഹറോന്റെയും ക്രമം

36.    അപ്പവും വീഞ്ഞും ത്രോണോസിന്മേൽ ഒരുക്കിവയ്ക്കുന്ന ശുശ്രൂഷയുടെ പേര് എന്താണ്? മെൽക്കിസെദെക്കിന്റെ ക്രമം.

37.    സാലേമിലെ രാജാവും അത്യുന്നതനായ ദൈവത്തിന്റെ പുരോഹിതനുമായിരുന്ന മെൽക്കിസെദെക്ക് അപ്പവും വീഞ്ഞും എടുത്തുകൊണ്ട് അബ്രഹാമിനെ എതിരേറ്റ സംഭവത്തെ അനുസ്‌മരിക്കുന്ന (ഉത്‌പത്തി 14:18) ശുശ്രൂഷയുടെ പേര് എന്താണ്? മെൽക്കിസെദെക്കിന്റെ ക്രമം.

38.    ഹെബ്രായർക്കുള്ള ലേഖനത്തിൽ മെൽക്കിസെദെക്കിൻ്റെ ക്രമപ്രകാരം എന്നേയ്ക്കുമുള്ള പുരോഹിതൻ എന്ന് യേശുവിനെ വിശേഷിപ്പിച്ചിരിക്കുന്ന ഭാഗം ഏതാണ്? ഹെബ്രായർ 6:20

39.    ജറുസലേമിന്റെ പഴയ പേര് എന്താണ്? സാലേം

40.    ഏത് പേരിനാണ് ഒന്നാമത് നീതിയുടെ രാജാവെന്നും രണ്ടാമതായി സമാധാനത്തിൻ്റെ രാജാവെന്നും അർത്ഥം (ഹെബ്രായർ 7:2) ഉള്ളത്?  മെൽക്കിസെദെക്ക്

41.    യഹൂദമതത്തിൽ പൗരോഹിത്യം സ്ഥാപിക്കപ്പെടുന്നതിന് മുമ്പുതന്നെ പുറ ജാതികളുടെ എല്ലാം പ്രതിനിധിയായി ദൈവമുമ്പാകെ നിന്ന പുരോഹിതൻ ആരാണ്? മെൽക്കിസെദെക്ക്

42.    മെൽക്കിസെദെക്കിൻ്റെ ക്രമപ്രകാരം സ്വജാതിക്കാരായ ഇസ്രായേലിൻ്റെ മാത്രമല്ല സകല ജനതകളുടെയും പുരോഹിതനായിരിക്കുന്നത് ആരാണ്? നിത്യാചാര്യനായ ക്രിസ്‌തു

43.    മെൽക്കിസെദെക്കിന്റെ ക്രമം, എല്ലാ പൗരോഹിത്യത്തിന്റെയും പൂർണത ആരിലാണെന്ന് സൂചിപ്പിക്കുന്നു? യേശുവിൽ

44.    കാർമികൻ വലിയ ഓസ്‌തിയും ചെറിയ ഓസ്‌തിയും നിർദേശിച്ചിരിക്കുന്ന പ്രാർത്ഥനകളോടും കർമങ്ങളോടും കൂടി ഏത് പാത്രത്തിൽ ക്രമീകരിക്കുന്നു? പീലാസായിൽ

45.    വീഞ്ഞും വെള്ളവും കലർത്തി ഏത് പാത്രത്തിൽ ക്രമീകരിക്കുന്നു? കാസായിൽ

46.    വീഞ്ഞും വെള്ളവും കലർത്തുന്നത് എന്തിനെ സൂചിപ്പിക്കുന്നു? പുത്രൻ തമ്പുരാനായ യേശുവിൽ ദൈവത്വവും മനുഷ്യത്വവും ഒരേപോലെ യോജിച്ചതിനെ

47.    കുർബാനയിൽ അപ്പവും വീഞ്ഞും കാർമികൻ ക്രമീകരിക്കുമ്പോൾ വൈദികർ ധരിച്ചിരിക്കുന്ന വസ്ത്രം ഏതാണ്? (കറുത്ത) പുറങ്കുപ്പായം

48.    ഒരുക്ക ശുശ്രൂഷയിൽ അപ്പവും വീഞ്ഞും ഒരുക്കിവച്ചതിനുശേഷം പുരോഹിതൻ ചൊല്ലുന്ന പ്രാർത്ഥനകൾ ഏവ? അനുതാപത്തിന്റെ പ്രുമിയോനും സെദറായും

49.    ഒരുക്ക ശുശ്രൂഷയിൽ വൈദികൻ അംശവസ്ത്രങ്ങൾ ധരിക്കുന്ന ശുശ്രൂഷയ്ക്ക് പേര് എന്താണ്? അഹറോന്റെ ക്രമം

50.    പഴയ നിയമത്തിലും പുതിയനിയമത്തിലും ദൈവത്തിൻ്റെ പുരോഹിതന്മാർ, ദൈവത്തിൻ്റെ മഹത്ത്വത്തിനും പൗരോഹിത്യശുശ്രൂഷ നിർവഹിക്കുവാനായി ദൈവത്തിൽനിന്നു പ്രാപിച്ച വിശുദ്ധിയുടെ അടയാളവുമായി ധരിച്ചിരുന്നവ ഏവ? അംശവസ്ത്രങ്ങൾ

51.    പഴയനിയമത്തിൽ ക്രിസ്‌തുവിൻ്റെ മറ്റൊരു പ്രതിരൂപമായ ആചാര്യൻ ആര്? അഹറോൻ.

52.    അഹറോന്റെ ക്രമം അദ്ദേഹത്തിൻറെ എന്തൊക്കെയാണ് അനുസ്മരിപ്പിക്കുന്നത്? പൗരോഹിത്യ ശുശ്രൂഷയെയും ധൂപാർപ്പണത്തെയും

53.    പ്രധാന പുരോഹിതനായ അഹറോനെ പോലെ പഴയനിയമത്തിലുള്ള ഏതു ഗോത്രത്തിൽ പെട്ട മറ്റു പുരോഹിതന്മാരും അംശവസ്ത്രങ്ങൾ ധരിച്ച് ധൂപാർപ്പണം സമർപ്പിച്ചിരുന്നു? ലേവി

54.    അഹറോന്റെ ക്രമത്തിൽ കാർമികൻ കാസായും പീലാസായും കുരിശാകൃതിയിൽ പിടിച്ചുകൊണ്ട് ദൈവത്തിന്റെ രക്ഷാകര സംഭവങ്ങൾ അനുസ്‌മരിക്കുന്നത് കൂടാതെ മറ്റ് ആരെയൊക്കെയാണ് അനുസ്മരിക്കുന്നത്? ആദവും ഹവ്വായും മുതൽ ഇന്നുവരെയുള്ള എല്ലാ സുപ്രധാന വ്യക്തികളെ ഓർക്കുകയും സകല മരിച്ചുപോയവരെ അനുസ്‌മരിക്കുകയും

55.    ഒരുക്ക ശുശ്രൂഷയിൽ ഏത് ക്രമത്തിലാണ് വൈദികൻ വിശുദ്ധ കുർബാനയുടെ നിയോഗത്തിനായി പ്രാർത്ഥിക്കുന്നത്? അഹറോന്റെ ക്രമത്തിൽ

56.    മഹത്ത്വമുള്ളവൻറെ തേജസ് ആകാശം കൊണ്ട് മൂടപ്പെട്ടിരിക്കുന്നു എന്നു ചൊല്ലി കാസായും പീലാസായും വൈദികൻ ഏത് തുണികൊണ്ട് മൂടുന്നു? ശോശപ്പാ

57.    സ്വർഗത്തെ ആവരണം ചെയ്യുന്ന ആകാശവിതാനത്തെ പ്രതിനിധീകരിക്കുന്നത് എന്താണ്? ശോശപ്പാ

58.    ശോശപ്പായുടെ മേൽ ധൂപാർപ്പണം നടത്തി ആരെയാണ് അനുസ്മരിക്കുന്നത്? സഭ മുഴുവനെയും

59.    ജീവിക്കുന്നവരും മരിച്ചവരും ചേർന്ന സമൂഹം അറിയപ്പെടുന്നത് ഏത് പേരിലാണ്?  സഭ

60.    വിശുദ്ധ കുർബാനയിൽ ജീവിക്കുന്നവരും മരിച്ചവരും ഏത് രീതിയിൽ സംബന്ധിക്കുന്നു? ആത്മീയ  രീതിയിൽ

61.    അഹറോൻ വിശുദ്ധിയുടെ വിശുദ്ധസ്ഥലത്ത് അർപ്പിച്ച ധൂപാർപ്പണം ഏതിന്റെ പ്രതീകമായാണ് ചിത്രീകരിക്കപ്പെടുന്നത്? ക്രിസ്തു‌വിന്റെ കാൽവരിയിലെ ബലിയുടെ

62.    മറയ്ക്കുള്ളിലെ രഹസ്യ ശുശ്രൂഷയിലൂടെ പഴയനിയമ രക്ഷാകരചരിത്രം പ്രത്യേകം അനുസ്മരിക്കുന്നത് ഏതു വരെയാണ്? ആദിമാതാപിതാക്കൾ മുതൽ അബ്രഹാംവരെയും അബ്രഹാംമുതൽ അഹറോൻവരെയും അഹറോൻമുതൽ യേശു ക്രിസ്തു ‌വരെയും